منتديات قالمة نت
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

منطقة الاعضاء


كلمة الادارة
تعلن منتديات قالمة نت عن إفتتاح الستايل الجديد للموقع والذي لايزال حاليا رهن الصيانة ، إنتظرونا قريبا جدااا بالعديد من المفاجئات السارة والمدوية
 

أهلا وسهلا بك إلى منتديات قالمة نت.

الرئيسيةالرئيسية  المنشوراتالمنشورات  س .و .جس .و .ج  بحـثبحـث  الأعضاءالأعضاء  التسجيلالتسجيل  دخولدخول  

w w w . g u e l m a 2 4 . n e t


مرحبا بك عزيزى الزائر فى منتديات قالمة نت.

أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه

w w w . g u e l m a 2 4 . n e t

الموضوع
تاريخ ارسال المشاركة
بواسطة
   الإثنين يونيو 19, 2017 10:51 am
   الأحد يونيو 11, 2017 2:01 pm
   الخميس يونيو 01, 2017 11:24 am
   الخميس يونيو 01, 2017 6:40 am
   الأربعاء مايو 31, 2017 3:51 pm
   الأربعاء مايو 31, 2017 3:50 pm
   الأربعاء مايو 31, 2017 3:38 pm
   الأربعاء مايو 31, 2017 3:35 pm
   الأربعاء مايو 31, 2017 3:34 pm
   الأربعاء مايو 31, 2017 3:27 pm
آنضم الى معجبينا ليصلك جديدنا


شاطر|
قديممنذ /الإثنين ديسمبر 27, 2010 1:58 pm#1

nadjahfaiza

عضو جديد


avatar
? الجنس : : انثى
? عدد المساهمات : : 4
? نقاط التميز : : 10
? تقييم العضو : : 5
? التسجيل : : 28/11/2010


حكم و أمثال شعبية جزائرية






السلام عليكم''

رجاءا لكل من يحفظ مثلا شعبيا أو أكثر أن يثري بيه هذا المنتدى و جازاه الله خيرا


و هذه مساهمة مني و أنتظروا المزيد ان شاء الله





اللي اعطاه العاطي الجبال ليه تطاطي
و اللي ما اعطاه العاطي ووين يروح يقلولو انت خاطي

دنيا تدي لمليح و تخلي الحاير

الي جابتو عقرت

الي ما شبع من القصعة ما يشبع من لحيسها

الي فاتك بليلة فاتك بحيلة

وطني وطني ولا مباتي في القطني

خوك خوك و لا يغرك صاحبك

جا يسعى ودر تسعة.

اجا يكحلها عماها

كثير لصحاب يقعد بلا صاحب.

الي ما عندو زهر يتعزى فيه

اللي جا من الضهرة خال الزهرة

الحاجة التي لا تهمك وصي عليها زوج امك

*حب واري و اكره وداري

فرحت الحزينة خربت المدينة

*نيتك مطيتك

*راح الزمان بناسه وجاء ها الزمان بفاسه وكل من تكلم بالحق كسر لو راسه

*لولاك يا كمي ما اكلت يافمي

*لولا اختك ما صرت ابن عمتك

* دواء ما لا تشتهي النفوس تعجيل الفراق

* لا اصل شريف ولا وجه ظريف

*لا عاش العار ولا بنو له الدار

أخدم باطل ولا تقعد عاطل.

*الحمار حماري و ركوبي من تالي ( الخلف)

*الزعاف يخرج السر.

*الفم المزموم ما يدخله الذبان.

*اقصد الدار الكبيرة لا ماتعشيتش تبات دافي.

* الجار قبل الدار.

*كم من قبة تنزار ومولاها في النار.

*عام يكثر التبن يكثر اللبن.

*الكبش ينباع بجزته.

*الي ماهوليك يعييك.

*حماري ولاعود الناس.

*قد ماتكبر العين الحاجب فوقها.

ماناكل البصل ما نحصل.
*حج وزاير بير زمزم و جاء للبلاء يتحزم.

*ياكل من الشجرة ويقطع عروقها.

*واش من مرقة حرقت شواربك.

*ازرع ينبت.

*خرج من الحبس طاح في بابه.

*اقلع راس تزول الخصومه.

*الجرب حكاك و الخائن شكاك.

*صاحبك هو جيبك.

*لي يتبع الاولاد داه الواد.

*هو في الموت وعينيه في الحوت.

*دعوة زوج ولا دعوة عجوز.

*الذهت يغير المذهب.

*يفنى مال الجدين و تبقى حرفة اليدين.

*فوت على الواد الهايج وماتفوتش على الواد الساكت.

*لقاه راكب خشبة قالو مبروك العود (الحصان) .

*لي فيه طبة ماتتخبه.

*انا نوصيك ياسعيد و انت في العمى تزيد.

*في النهار تطوف و في الليل تنسج الصوف.

*يعرف الاوقات كي الفروج وما يصليش.

*هم العرس ولاهم الضرس.

*دير كيما دار جارك و لا بدل باب دارك.

*بيضة اليوم و لا جاجة غدوة.

*اهدر على السبع يهدف.

*اتهلاي يا عصاتي على كساتي

نوصيك يا واكل الراس في البير ارمي اعظامو
.العب و اضحك مع الناس و فمك متن لجامو

سأل لمجرب أو ما تسألش الطبيب.

ما تغطيش الشمس بالغربال .

الباب الي جاك منو الريح صدو وستريح.

الا شفتني مبطابس راني نخيط في الكبابس


عينو على المقلية و على المشوية


الخروف الجيد من جريته يبان

عينيها في حواشيها قفة يا راس الداب (حاشاكم)

منين يجيك الخير يا مشوم و انت امك البصلة و باباك الثوم

يعريوا السواسي (يسرقواحتى الشحاتين)


يلحق وقت جيله ياكل بالرطل و يشرب بالسطل و يرقد الليل و ما طال.

جيل مجلجل يقص الكسرة بالمنجل

- ما يعجبك نوّار الدفلة في الواد عامل ظلايل،
وما يعجبك زين الطفلة حتى تشوف لفعايل.

- بنت السدّ والمدّ وبنت القصعة والمثرد.

- قلّب البرمة على فمها تخرج الأنثى لأمها.

- أدّي لبنات على الأمهات وأدّي الخيل على السادات

-اللي صبرت دارها عمرت.

- كل صبع بصنعة

-سمينة و عريضة ومن يديها مريضة

-الزين و الدين

-الولية ولية يا لوكان يهودية

-كلمة الصباح كلمة العشية المسلمة تولي يهودية(اي المرأة المسلمة الطيبة يكثرون بالكلام السيء عنها حتى يصبح الاخرون يرونها بعين القبح و بما ليس فيها)

اللسان لحم ويهرس العضم

اللي غلبك بالكثرة أغلبه بالبكرة

قادوم و صابت يدها

جا يكح للها عماها

اشكون يعطيك الخبز يا نعسان.

ما أحلى خبز عرق الجبين.

اللي يشق يلقى ولما يشقى ما يلقى

العمل الصحة

العمل بركة

كل شئ بالأمل و الرزق بالعمل

اخدم برطل ولاتعطل.

اخدم بفلس وحاسب الناعس

الراقد ما أعطاتو امه كسرة

مضغان العلك و لا البطالة

ما تدير عادة ما تتعادى

اخديم الرجال سيدهم

أخدم بعرفك تسترك عرضك.

اخدم الأحد والعيد ولا ذل نفسك لخوك سعيد.

اللهم يقولوا يا سقاي ولايقولوا يا سارق.

اخدم يا الخطيب لما تطيح في الزبدة تطيح في الحليب.

بيع بخمسة واشري بخمسة يرزقك ربي بين الخمستين.

أيام الزراعة والحرث معدودة وأيام الحصاد ممدودة.

اخدم يا صغري لكبري.

اخدم و افلح،الزرع لا ماغناك يسترك.

جاء يسعى ودر تسعة

القليل إموت في الليل

أنت تَمْتَمْ وانا نفهم

راح حتى العين وجا عطشان.

جا يسعى ودر تسعة

النايض اعطيوه و الراقد غطيوه

أمشط راسك يخفاف و خمل دارك توساع.

أرواح لي يا هم و لا نجي ليك.

يروح للبحر يصيبه نشف

المشتاق إلا ذاق يخلي الباب و يخرج من التاق.

نهار سردوك خير من عام جاجة

ليحب الشباح مايقول اااح

ما يبقي في الواد غير حجارو

تهنى الفرطاس من حكان الراس

المذبوحة تظحك على المسلوخة و المقطعة شبعت أعليهم بظحك

أحبيبك جيبك

خصك غير السواك يا معوجة لحناك

الي صاب الهبال يسلك واش يدير بالعقل

الياقوتة و الياقوت خلاو بيوت و ربيحة اتبع فيهم

شاقي و لا محتاج

الخيانة ذل و مهانة

الصدقة تدفع البلاء و تزيد في العمر مدة

ياسعد من بكاني وبكي عليا ولا خير في اللي ضحكني وضحك الناس عليا


يتبع



fahem fahem fahem fahem fahem fahem

اللسان الطويل تاعنا chark



تقبلوا مروري








التوقيع



 


قديممنذ /الإثنين ديسمبر 27, 2010 2:45 pm#1

بوك

عضو مطرود


avatar
? الجنس : : ذكر
? عدد المساهمات : : 9166
? نقاط التميز : : 10738
? تقييم العضو : : 181
? التسجيل : : 02/05/2010
? الإقامة : : *في المنتدى*


حكم و أمثال شعبية جزائرية






هههههههههههههههههههه
الاخيرة فور بزاف اختاه
والله اختاه ما تركتي لنا
ما نقول من امتالنا الشعبية
المشهورة ............
تسلمين اختاه و ان شاء الله
ادا وجد ما نبخل من طرح
تقبلي مروري بود....








التوقيع







 


قديممنذ /الإثنين ديسمبر 27, 2010 3:24 pm#1

joujou21

عضو متقدم


? الجنس : : انثى
? عدد المساهمات : : 3002
? نقاط التميز : : 3565
? تقييم العضو : : 14
? التسجيل : : 30/08/2010


حكم و أمثال شعبية جزائرية






شكرا اختي على المجهود كاشما اتفكرت انزودك بيه







التوقيع



 


قديممنذ /الإثنين ديسمبر 27, 2010 8:38 pm#1

barca

عضو محترف


avatar
? رقم العضوية : : 2
? الجنس : : ذكر
? عدد المساهمات : : 30563
? نقاط التميز : : 40490
? تقييم العضو : : 891
? التسجيل : : 05/08/2009
? الإقامة : : guelma


http://www.guelma24.net

حكم و أمثال شعبية جزائرية






ماشاء الله على هذه الحكم والامثال الجميلة جداا
جزاك الله الف خير اختي على الموضوع الرائع
تقبلي مروري








التوقيع




فداك أبـــــــــ يا رسول الله ــــــي وأمي


معلوماتـــ مهمة:

تنبيــه!! قـوانـيـن الـمنـتدى

للكتابة بالعربية اضغط هـــــــنـــــــا



 


قديممنذ /الإثنين ديسمبر 27, 2010 9:15 pm#1

ملاك الروح

عضو محترف


? الجنس : : انثى
? عدد المساهمات : : 18389
? نقاط التميز : : 21364
? تقييم العضو : : 159
? التسجيل : : 04/12/2009


حكم و أمثال شعبية جزائرية






حكم وامتال كتير حلوة

خوذي عنك

1في وجهي مراية وفي ظهري مقص

2سيدي مليح زادلو لهوا والريح


3الباب الي يجي من الريح سدو وستريح


4صاحبي كي يكون عايش يشتاق حبه تمر و كي يموت نعلقولو عرجون

5يقولك ولا من عندي ومن عندك تنطبع ولا غير من عندي تنقطع


والله غير عندي بزاف امتال وحكم بصح نسيتهم

كي نتفكر راح نزيدلك شوية

يسلمووووووووووووا








التوقيع



 


قديممنذ /الأربعاء ديسمبر 29, 2010 1:53 pm#1

oussama

عضو جديد


avatar
? الجنس : : ذكر
? عدد المساهمات : : 83
? نقاط التميز : : 108
? تقييم العضو : : 2
? التسجيل : : 02/09/2009
? العمر : : 21
? الإقامة : : الجزائر


http://oussamaoussama.ahlamontada.net/index.htm

حكم و أمثال شعبية جزائرية






بارك الله فيك







التوقيع



 


قديممنذ /الخميس يناير 13, 2011 7:03 pm#1

فراولاية

عضو متقدم


avatar
? رقم العضوية : : 3
? الجنس : : انثى
? عدد المساهمات : : 4140
? نقاط التميز : : 5617
? تقييم العضو : : 25
? التسجيل : : 09/10/2010
? العمر : : 25


حكم و أمثال شعبية جزائرية






شكرا لك على هذه الامثال







التوقيع





 


قديممنذ /الجمعة يناير 28, 2011 1:23 pm#1

nadjahfaiza

عضو جديد


avatar
? الجنس : : انثى
? عدد المساهمات : : 4
? نقاط التميز : : 10
? تقييم العضو : : 5
? التسجيل : : 28/11/2010


حكم و أمثال شعبية جزائرية






سلام عليكم وينكم الا تحفظون الامثال
wlcom

- الحرة اذا صبرت دارها عمرت
- من الحبة دار قبة
اذكر الماء يبان العطشان
اللي يحب العسل يصبر على قريص النحل
- دير الشر و تفكروا و دير الخير و انسوا
- تبع راي اللي يبكيك م اتبعش راي اللي يضحكك , راه يضحك عليك
- الدم ما يخون الدم و يا ويح من خانوا ذراعو
- عاش ماكسب ومات ماخلى
- وصل الكذاب ختى باب دارو
نحس تعرفوا خير من سعد تتعرف عليه
- افتح جيبك يتخبى عيبك
- عينك هي ميزانك
- اللي يزرع الريح مايحصد غير غبارو
- اللي غاب كبيره غاب تدبيره
- المكسي بقش الناس عريان
- انسى الهم ينساك
- المراة تخاف من الشيب قد ما تخاف من الذيب
- الحر بالغمزة و البرغوش بالدبزة
- جاء يكحلها عماها
- كي يغيب الرايس القط يعلق المناقش
- - عاش من عرف قدره
- عبايته مثقوبة و الحب قاتله
- اللي فاتوا الكلام يقول سمعت و اللي فاتوا الطعام يقول شبعت
- كي كان حي اشتاق تمرة و كي مات حطولوا عرجون
- صبر صبر كي لحق الجنة كفر
- مال المشحاح ياكلوا المرتاح
- راجل بنتي من عند الباب نعرفه( يطلق هذا المثال على كيفية اختيار الام رجل بنتها )
- كول انتاع منان و لا تاكل نتاع زنان ( يطلق على الذي يفعل الخير و يذكره الى الناس )
- الصمت حكمة و منو تفرق الحكايم لو ما نطق ولد اليمامة ما يجيه ولد الحنش هايم
- كم من قبة تنزار و مولاها في النار
- اللي جاع يتفكر أيام عرسو
- اذا حبك القمر بكمالو واش عندك في النجوم اذا مالو
- الطريق الطويلة تعي الخيل
- بات ليلة مع الجاج عاد صبح يقاقي
- يا الغريب ليك الله
- واحد يحلب و الاخر يشد المحلب
- كونك ذيب لاياكلوك الذياب
- أقعدوا ياحمبر حتى ينبتلكم الشعير
- جزار و عشاه لفت
- بناي و دارو رايبة
- اذا حلف فيك راجل بات راقد و اذا حلفت فيك امرأة بات قاعد
- كل هايشة باذن الله عايشة
- الكلب اذا نبح ما عض ما جرح
- قسم البحر يصير سواقي
_ الكلمة كي الرصاصة اذا خرجت من الفم ما ترجعش
مول الطبيعة ماينساها غير اذا مات و خلاها
الطول همة ولوكان من خشب و القصر ذمة ولو كان من ذهب
الحوت الكبير ياكل الحوت الصغير
- البنة تعرفها الاضراس
- ربعة و امهم واش يلمهم
- كل شاة من رجلها تتعلق
- ضرب على ذراعك تاكل المسقي
- اذكر الماء يبان العطشان
- تقطع البندير و تفرقوا المداحة
- اعطيني اليوم صوف و خوذ غدوة خروف
- مد رجليك قد حصيرتك
- قد ما تكبر العين يجي الحاجب فوقها
القلب المجروح الوجه يعطيك خبارو
اللي ما في كرشو تبن ما يخاف النار
في عرسي نعاس و في عرس الناس رقاص
اللي فاتك بليلة فاتك بحيلة












التوقيع



 


قديممنذ /الأربعاء أبريل 02, 2014 2:07 pm#1

zidaner12

عضو جديد


avatar
? الجنس : : ذكر
? عدد المساهمات : : 3
? نقاط التميز : : 3
? تقييم العضو : : 5
? التسجيل : : 02/04/2014
? العمر : : 33


حكم و أمثال شعبية جزائرية






لله يسعدك ويبارك فيك ويحفظك اللهم آمين







التوقيع



 


الإشارات المرجعية

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) ‏




الذين يشاهدون محتوى الموضوع الآن : 24 ( الأعضاء 1 والزوار 23)


تعليمات المشاركة
لاتستطيع الرد على المواضيع في هذا المنتدى

BB code is متاحة
كود [IMG] متاحة
كود HTML متاحة

جميع المشاركات تمثل وجهة نظر كاتبها ولا تمثل بالضرورة وجهة نظر المنتدى
جميع حقوق الطبه والنشر محفوظة لـ منتديات قالمة نت
بإشراف منتديات قالمة نت : 2016 -2017